തിരുവനന്തപുരം: മുൻ സർക്കാരിന്റെ കാലം മുതൽ നാളിതുവരെ മുഖ്യമന്ത്രിയും മന്ത്രിമാരും നടത്തിയ വിദേശ യാത്രകളുടെ വിശദാംശങ്ങളും അവയുടെ സ്പോൺസർമാരെക്കുറിച്ചുള്ള വിവരങ്ങളും നിയമസഭയിൽ പോലും വ്യക്തമാക്കാത്ത ആളായിരുന്നു മുൻ മുഖ്യമന്ത്രി പിണറായി വിജയൻ. നിയമസഭയിൽ ഇതുമായി ബന്ധപ്പെട്ട് ഉയർന്ന ചോദ്യത്തിന് “വിവരം ശേഖരിച്ചു വരുന്നു” എന്ന പരമ്പരാഗത മറുപടി നൽകി ഒഴിഞ്ഞുമാറുന്ന ശൈലിയായിരുന്നു പിണറായി സ്വീകരിച്ചിരുന്നത്.
15-ാം കേരള നിയമസഭയുടെ 14-ാം സമ്മേളനത്തിൽ എം.എൽ.എ ശ്രീ സണ്ണി ജോസഫാണ് (നക്ഷത്ര ചിഹ്നമില്ലാത്ത ചോദ്യം നമ്പർ 5) വിദേശ യാത്രകളെക്കുറിച്ച് ചോദ്യം ഉന്നയിച്ചത്.
ഉന്നയിക്കപ്പെട്ട പ്രധാന ചോദ്യങ്ങൾ:
മുഖ്യമന്ത്രിയും മന്ത്രിമാരും സന്ദർശിച്ച രാജ്യങ്ങൾ, യാത്ര ചെയ്ത കാലയളവ്, അനുഗമിച്ച വ്യക്തികൾ.
ഈ യാത്രകൾക്ക് ഏതെങ്കിലും സ്പോൺസർമാർ ഉണ്ടായിരുന്നുവെങ്കിൽ അതാത് വിവരങ്ങൾ.
ഓരോ വിദേശ സന്ദർശനത്തിന്റെയും ഉദ്ദേശ്യലക്ഷ്യങ്ങൾ.
താമസസൗകര്യം, ഭക്ഷണം, യാത്രാച്ചെലവ്, മൊത്തം ചെലവായ തുക എന്നിവയുടെ ഇനം തിരിച്ചുള്ള കണക്കുകൾ.
എന്നാൽ ഈ ചോദ്യങ്ങൾക്ക് കൃത്യമായ മറുപടി നൽകുന്നതിന് പകരം “വിവരം ശേഖരിച്ചു വരുന്നു” എന്ന ഒറ്റവരി മറുപടിയാണ് മുൻ മുഖ്യമന്ത്രി നിയമസഭയിൽ സമർപ്പിച്ചത്.
