തിരുവനന്തപുരം: പ്രതിപക്ഷ നേതാവ് പിണറായി വിജയൻ തിരുവനന്തപുരത്തെ തന്റെ വസതി വീണ്ടും മാറ്റുന്നു. ബേക്കറി ജങ്ഷന് സമീപത്തെ നിലവിലെ വാടക വീടൊഴിഞ്ഞ് ഇടപ്പഴിഞ്ഞിയിലെ പുതിയ വാടക വീട്ടിലേക്കാണ് അദ്ദേഹം താമസം മാറ്റുന്നത്. പ്രതിപക്ഷ നേതാവിന്റെ ഔദ്യോഗിക വസതിയായ കന്റോൺമെന്റ് ഹൗസിലേക്ക് താമസം മാറുന്നതിന് മുന്നോടിയായി ചില അറ്റകുറ്റപ്പണികൾ ഇവിടെ ആരംഭിച്ചിട്ടുണ്ട്.
കന്റോൺമെന്റ് ഹൗസിന്റെ നിലവിലെ അവസ്ഥയിൽ കടുത്ത അതൃപ്തി നേരത്തെ തന്നെ പിണറായി വിജയൻ പരസ്യമായി പ്രകടിപ്പിച്ചിരുന്നു. കന്റോൺമെന്റ് ഹൗസിൽ താമസിക്കാൻ ആവശ്യമായ സൗകര്യങ്ങളില്ലെന്ന് ചൂണ്ടിക്കാട്ടിയ അദ്ദേഹം, “മുൻ പ്രതിപക്ഷ നേതാവ് എങ്ങനെയാണ് അവിടെ കഴിഞ്ഞതെന്ന് അൽഭുതപ്പെടുന്നു” എന്നും വാർത്താസമ്മേളനത്തിൽ പ്രതികരിച്ചിരുന്നു.
പഴയ വാടക വീട്ടിൽ താമസിച്ചപ്പോൾ മുതൽ പിണറായിക്കും കുടുംബത്തിനും കഷ്ടകാലം ആയിരുന്നു. ഇ. ഡി ഉദ്യോഗസ്ഥരുടെ റെയ്ഡ് അടക്കം അവിടെ ഉണ്ടായി.
