ന്യൂഡൽഹി: ഇന്ത്യയുടെ 26-ാമത് ചീഫ് ഇലക്ഷൻ കമ്മീഷണറായി (CEC) 2025 ഫെബ്രുവരിയിൽ ചുമതലയേറ്റ ഗ്യാനേഷ് കുമാർ ഇപ്പോൾ ശക്തമായ രാഷ്ട്രീയ പോരാട്ടങ്ങളുടെയും ആരോപണങ്ങളുടെയും നിഴലിലാണ്.
ഔദ്യോഗിക കാലാവധിയും വയസ്സും
ഇന്ത്യൻ ഭരണഘടനയനുസരിച്ച് ചീഫ് ഇലക്ഷൻ കമ്മീഷണറുടെ കാലാവധി 6 വർഷം അല്ലെങ്കിൽ 65 വയസ്സ് തികയുന്നത് വരെയാണ്. 1964 ജനുവരി 27-ന് ജനിച്ച ഗ്യാനേഷ് കുമാറിന് നിലവിൽ 62 വയസ്സുണ്ട്. 65 വയസ്സ് തികയുന്ന 2029 ജനുവരി 26 വരെ അദ്ദേഹത്തിന് ഈ പദവിയിൽ തുടരാൻ സാധിക്കും. 2029 ലെ പൊതു തെരഞ്ഞെടുപ്പ് നയിക്കാൻ ഗ്യാനേഷ്കുമാർ ഉണ്ടാകില്ല എന്ന് ചട്ടം.
ഉയർന്നുവന്ന പരാതികളും വിവാദങ്ങളും
- വോട്ടർ പട്ടിക പരിഷ്കരണത്തിലെ പ്രതിപക്ഷ പ്രതിഷേധം: ഇലക്ഷൻ കമ്മീഷന്റെ വോട്ടർ പട്ടിക തീവ്ര പരിഷ്കരണ (SIR) നടപടികളിൽ തിരിമറി നടക്കുന്നുവെന്ന് ആരോപിച്ച് കോൺഗ്രസ് അടക്കമുള്ള പ്രതിപക്ഷ പാർട്ടികൾ അദ്ദേഹത്തിന്റെ രാജി ആവശ്യപ്പെട്ട് ശക്തമായ പ്രതിഷേധത്തിലാണ്.
- 2006-ലെ വിജിലൻസ് കേസും അന്വേഷണവും: 2006-ൽ കേരളത്തിലെ പൊതുമരാമത്ത് (PWD) സെക്രട്ടറിയായിരിക്കെ കെ.എസ്.ടി.പി (KSTP) റോഡ് വികസന പദ്ധതിയുമായി ബന്ധപ്പെട്ട് 2 കോടി രൂപ കോഴ ആവശ്യപ്പെട്ടുവെന്ന പഴയ ആരോപണത്തിൽ കേരള സർക്കാർ വീണ്ടും പ്രാഥമിക അന്വേഷണത്തിന് ഉത്തരവിട്ടിട്ടുണ്ട്.
എന്നാൽ, ഇലക്ഷൻ കമ്മീഷന്റെ തീരുമാനങ്ങൾ ഏകോപനത്തോടെയാണ് കൈക്കൊള്ളുന്നതെന്നും ഉയർന്ന ആരോപണങ്ങൾ അടിസ്ഥാനരഹിതമാണെന്നുമാണ് ഗ്യാനേഷ്കുമാറിൻ്റെ പക്ഷം.
