തിരുവനന്തപുരം: വയനാട്ടിലെ മുണ്ടക്കൈ–ചൂരൽമല ഉരുൾപൊട്ടൽ ദുരന്തത്തിൽ നാശനഷ്ടങ്ങൾ നേരിട്ട വ്യാപാരികൾക്കും വാണിജ്യ കെട്ടിട ഉടമകൾക്കും ആശ്വാസമായി മുഖ്യമന്ത്രി വി.ഡി. സതീശന്റെ നേതൃത്വത്തിലുള്ള സംസ്ഥാന സർക്കാരിന്റെ തീരുമാനം.
ദുരന്തത്തിൽ നാശനഷ്ടം സംഭവിച്ച കെട്ടിട നമ്പറുകളുള്ള വാണിജ്യ കെട്ടിടങ്ങളുടെ ഉടമകൾക്കും ലൈസൻസുള്ള വ്യാപാര സംരംഭകർക്കും നഷ്ടപരിഹാരം അനുവദിക്കുന്നതിനായി 7,19,99,400 രൂപ (ഏഴ് കോടി പത്തൊൻപത് ലക്ഷത്തി തൊണ്ണൂറ്റൊൻപതിനായിരത്തി നാനൂറ് രൂപ) മുഖ്യമന്ത്രി വി.ഡി. സതീശൻ അനുവദിച്ചു.
മുഖ്യമന്ത്രിയുടെ ദുരിതാശ്വാസ നിധിയിൽ (CMDRF) നിന്നാണ് തുക അനുവദിച്ചിരിക്കുന്നത്.
ഇതുസംബന്ധിച്ച് സംസ്ഥാന ദുരന്തനിവാരണ വകുപ്പ് 2026 ഒക്ടോബർ 29ന് ഔദ്യോഗിക ഉത്തരവ് പുറത്തിറക്കി.
ഉത്തരവ് നമ്പർ: G.O.(Rt) No. 444/2026/DMD, തീയതി 29.10.2026.
ദുരന്തബാധിതരുടെ പുനരധിവാസം വീടുകളുടെ പുനർനിർമാണത്തിൽ മാത്രം ഒതുങ്ങുന്നതല്ല. പ്രദേശത്തെ വ്യാപാര സ്ഥാപനങ്ങളും ചെറുകിട സംരംഭങ്ങളും തിരിച്ചുവരുന്നത് പ്രാദേശിക സമ്പദ്‌വ്യവസ്ഥയുടെ പുനരുജ്ജീവനത്തിന് അനിവാര്യമാണ്. വ്യാപാര സ്ഥാപനങ്ങൾ വീണ്ടും പ്രവർത്തനക്ഷമമാകുന്നതിലൂടെ തൊഴിലവസരങ്ങളും വരുമാനമാർഗങ്ങളും വീണ്ടെടുക്കാൻ കഴിയും.
ഈ പശ്ചാത്തലത്തിൽ വാണിജ്യ കെട്ടിട ഉടമകൾക്കും ലൈസൻസുള്ള വ്യാപാര സംരംഭകർക്കും നഷ്ടപരിഹാരം അനുവദിച്ച തീരുമാനം മുണ്ടക്കൈ–ചൂരൽമലയുടെ സാമ്പത്തിക പുനരധിവാസത്തിലെ ശ്രദ്ധേയമായ നടപടിയാണ്.
