തിരുവനന്തപുരം: സംസ്ഥാന ജീവനക്കാരുടെ ക്ഷാമബത്ത (ഡി.എ) അനുവദിക്കുന്നതിൽ യു.ഡി.എഫ് സർക്കാരിന്റെ മിന്നൽ വേഗതയിൽ പ്രതിരോധത്തിലായി എൽ.ഡി.എഫ് മുൻ ഭരണനേതൃത്വം. വി.ഡി. സതീശന്റെ നേതൃത്വത്തിലുള്ള പുതിയ സർക്കാർ അധികാരമേറ്റ് വെറും അഞ്ചാം മാസത്തിനുള്ളിൽ ജീവനക്കാരുടെ ആദ്യ ഗഡു ഡി.എ ഉത്തരവിറക്കിയതോടെ, രണ്ടാം പിണറായി സർക്കാരിന്റെ വീഴ്ചകളും കാലതാമസവും വീണ്ടും ചർച്ചയാവുകയാണ്.
2021 മേയിൽ അധികാരത്തിലെത്തിയ രണ്ടാം പിണറായി വിജയൻ സർക്കാർ ജീവനക്കാർക്ക് ആദ്യ ഗഡു ഡി.എ അനുവദിക്കാൻ എടുത്തത് നീണ്ട 35 മാസങ്ങളാണ് (2024 മാർച്ച് 12). ധനവകുപ്പ് കൈകാര്യം ചെയ്ത കെ.എൻ. ബാലഗോപാലിൻ്റെ സാമ്പത്തിക മാനേജ്‌മെന്റിലെ പോരായ്മകളാണ് കാര്യങ്ങൾ പ്രതിസന്ധിയിലാക്കിയത്.
എന്നാൽ, 2026 മേയിൽ അധികാരത്തിലെത്തിയ വി.ഡി. സതീശൻ സർക്കാർ അഞ്ചാം മാസത്തിൽ തന്നെ ജീവനക്കാരുടെ ആദ്യ ഗഡു ഡി.എ നൽകി വാഗ്ദാനം പാലിച്ചു. ഇതോടെ മുൻ ധനമന്ത്രി കെ.എൻ. ബാലഗോപാലും പിണറായി വിജയനും ആകെ നാണം കെട്ട് ഇരിക്കുകയാണ്. സാമ്പത്തിക പ്രതിസന്ധി ചൂണ്ടിക്കാട്ടി മുൻ സർക്കാർ നടപ്പിലാക്കാൻ മടിച്ച കാര്യങ്ങൾ അഞ്ചു മാസത്തിനുള്ളിൽ പൂർത്തിയാക്കിയ സതീശൻ സര്‍ക്കാറിന്റെ ഈ നടപടി ജീവനക്കാർക്കിടയിൽ വൻ സ്വാഗതം നേടിയിട്ടുണ്ട്.
