തിരുവനന്തപുരം: കേരള സംസ്ഥാന രൂപീകരണത്തിന്റെ ഏഴ് പതിറ്റാണ്ടുകൾ പൂർത്തിയാകുന്ന വേളയിൽ ജനങ്ങൾക്ക് കേരളപ്പിറവി ആശംസകൾ നേർന്ന് മുഖ്യമന്ത്രി വി. ഡി. സതീശൻ. കഴിഞ്ഞ കാലങ്ങളിലെ നേട്ടങ്ങളിൽ നിന്നും അനുഭവങ്ങളിൽ നിന്നും ഉൾക്കൊണ്ട കരുത്തുമായാണ് കേരളം പുതിയ ഒരു യുഗത്തിലേക്ക് കടക്കുന്നതെന്ന് അദ്ദേഹം തൻ്റെ സന്ദേശത്തിൽ വ്യക്തമാക്കി.
സഹാനുഭൂതിയോടെയുള്ള സദ്ഭരണമാണ് സർക്കാറിന്റെ പ്രധാന കാഴ്ചപ്പാടെന്ന് മുഖ്യമന്ത്രി അടിവരയിട്ടു പറഞ്ഞു. കേവല വികസന പ്രവർത്തനങ്ങൾക്കപ്പുറം ഓരോ സാധാരണക്കാരന്റെയും ജീവിതപ്രയാസങ്ങളെ കരുതലോടെ കാണുകയും പരിഹരിക്കുകയും ചെയ്യുന്ന ഒരു ഭരണസംവിധാനമാണ് നാടിന് ആവശ്യമെന്ന് അദ്ദേഹം അഭിപ്രായപ്പെട്ടു.
വരുന്ന അഞ്ചു വർഷങ്ങൾ കേരളത്തിന്റെ ഭാവി നിർണയിക്കുന്നതിൽ നിർണായക ഘടകമാകുമെന്നും, നാടിന്റെ ഉന്നതിക്കായി ഏവരും ഒറ്റക്കെട്ടായി കൈകോർത്തു മുന്നേറണമെന്നും അദ്ദേഹം ആഹ്വാനം ചെയ്തു.
