കോഴിക്കോട്: വരാനിരിക്കുന്ന നിയമസഭാ തിരഞ്ഞെടുപ്പിൽ കോഴിക്കോട് ജില്ലയിൽ യു.ഡി.എഫ് വൻ മുന്നേറ്റം നടത്തുമെന്ന് തിരഞ്ഞെടുപ്പ് തന്ത്രജ്ഞൻ സുനിൽ കനഗൊലുവിൻ്റെ പുതിയ സർവ്വേ റിപ്പോർട്ട്. ജില്ലയിലെ 13 മണ്ഡലങ്ങളിൽ 12-ടത്തും യു.ഡി.എഫ് വിജയിക്കുമെന്നാണ് റിപ്പോർട്ടിലെ പ്രധാന കണ്ടെത്തൽ.
ബേപ്പൂരിൽ പി.വി. അൻവർ അട്ടിമറി നടത്തും
റിപ്പോർട്ടിലെ ഏറ്റവും ശ്രദ്ധേയമായ പ്രവചനം ബേപ്പൂർ മണ്ഡലത്തെക്കുറിച്ചാണ്. എൽ.ഡി.എഫിൻ്റെ ഉറച്ച കോട്ടയായി കരുതപ്പെടുന്ന ബേപ്പൂരിൽ പി.വി. അൻവർ അട്ടിമറി വിജയം നേടുമെന്ന് സർവ്വേ സൂചിപ്പിക്കുന്നു. ഭരണവിരുദ്ധ വികാരവും അൻവറിൻ്റെ പുതിയ രാഷ്ട്രീയ നീക്കങ്ങളും മണ്ഡലത്തിൽ ചലനമുണ്ടാക്കിയെന്നാണ് വിലയിരുത്തൽ.
ശക്തമായ ഭരണവിരുദ്ധ വികാരം
സംസ്ഥാന സർക്കാരിനെതിരെയുള്ള അതിശക്തമായ ഭരണവിരുദ്ധ വികാരമാണ് കോഴിക്കോട് ജില്ലയിൽ യു.ഡി.എഫിന് അനുകൂലമായ സാഹചര്യമൊരുക്കുന്നത്. കഴിഞ്ഞ തവണ ഇടതുമുന്നണി തൂത്തുവാരിയ മണ്ഡലങ്ങളിൽ പോലും ഇക്കുറി വോട്ടർമാരുടെ മനോഭാവത്തിൽ വലിയ മാറ്റം പ്രകടമാണെന്ന് സർവ്വേ അവകാശപ്പെടുന്നു.
