തിരുവനന്തപുരം: വരാനിരിക്കുന്ന നിയമസഭാ തിരഞ്ഞെടുപ്പിൽ കേരളത്തിൽ ഭരണമാറ്റമുണ്ടാകുമെന്ന് പ്രവചിച്ച് ലോക് പോൾ (Lok Poll) സർവ്വെ. യുഡിഎഫ് വ്യക്തമായ ഭൂരിപക്ഷത്തോടെ അധികാരത്തിലെത്തുമെന്നാണ് സർവ്വെ ഫലങ്ങൾ സൂചിപ്പിക്കുന്നത്. വടക്കൻ കേരളത്തിലും മധ്യ കേരളത്തിലും യുഡിഎഫ് തരംഗം ആഞ്ഞടിക്കുമ്പോൾ തെക്കൻ കേരളത്തിൽ എൽഡിഎഫ് തങ്ങളുടെ സ്വാധീനം നിലനിർത്തുന്നു.
സീറ്റ് നില ഇങ്ങനെ:
സംസ്ഥാനത്തെ മൊത്തം 140 സീറ്റുകളിൽ യുഡിഎഫ് 81 മുതൽ 86 സീറ്റുകൾ വരെ നേടി അധികാരം പിടിക്കുമെന്നാണ് പ്രവചനം. നിലവിലെ ഭരണകക്ഷിയായ എൽഡിഎഫ് 51 മുതൽ 59 സീറ്റുകളിലേക്ക് ചുരുങ്ങാൻ സാധ്യതയുണ്ടെന്ന് സർവ്വെ ചൂണ്ടിക്കാട്ടുന്നു. ബിജെപി നേതൃത്വം നൽകുന്ന എൻഡിഎ മുന്നണി 0 മുതൽ 2 സീറ്റുകൾ വരെ നേടിയേക്കാം. മറ്റുള്ളവർക്ക് സീറ്റുകളൊന്നും സർവ്വെ പ്രവചിക്കുന്നില്ല.
വോട്ട് വിഹിതം:
വോട്ട് വിഹിതത്തിലും യുഡിഎഫ് തന്നെയാണ് മുന്നിൽ.
- യുഡിഎഫ് (UDF): 43% – 45%
- എൽഡിഎഫ് (LDF): 39% – 41%
- എൻഡിഎ (NDA): 13% – 15%
- മറ്റുള്ളവർ (OTH): 2% – 3%
മേഖല തിരിച്ചുള്ള പ്രവചനം:
ഭരണവിരുദ്ധ വികാരം വടക്കൻ കേരളത്തിലും മധ്യ കേരളത്തിലും യുഡിഎഫിന് അനുകൂലമായ വലിയ മുന്നേറ്റത്തിന് കാരണമാകുമെന്ന് സർവ്വെ വിലയിരുത്തുന്നു. എന്നാൽ തെക്കൻ കേരളത്തിൽ എൽഡിഎഫിന് ഇപ്പോഴും മേൽക്കൈ ഉണ്ടെന്നാണ് കണക്കുകൾ വ്യക്തമാക്കുന്നത്.
