തിരുവനന്തപുരം: രാഹുൽ മാങ്കൂട്ടത്തിനെതിരായ ലൈംഗിക പീഡന പരാതിയിൽ അറസ്റ്റ് ഉടനുണ്ടായേക്കുമെന്ന റിപ്പോർട്ടുകൾക്കിടെ, ഒരു നിയമസഭാംഗത്തെ അറസ്റ്റ് ചെയ്യുമ്പോൾ പാലിക്കേണ്ട നടപടിക്രമങ്ങൾ സജീവ ചർച്ചയാകുന്നു. യുവതി മുഖ്യമന്ത്രിക്ക് നേരിട്ട് പരാതി നൽകിയതോടെയാണ് രാഹുലിൻ്റെ അറസ്റ്റ് ഏതാണ്ട് ഉറപ്പായ നിലയിലേക്ക് കാര്യങ്ങൾ നീങ്ങിയത്.
അറസ്റ്റ് ചെയ്താൽ ഉടൻ സ്പീക്കറെ അറിയിക്കണം:
നിലവിലെ നിയമം അനുസരിച്ച് ഒരു എം.എൽ.എയെ അറസ്റ്റ് ചെയ്താൽ വിവരം ഉടൻ തന്നെ സ്പീക്കർ എ.എൻ. ഷംസീറിനെ അറിയിക്കണം.
- സഭ സമ്മേളനത്തിലാണെങ്കിൽ: സഭ സമ്മേളനം നടന്നുകൊണ്ടിരിക്കുകയാണെങ്കിൽ, എം.എൽ.എയുടെ അറസ്റ്റ് വിവരം സ്പീക്കർ സഭയിൽ ഔദ്യോഗികമായി അറിയിക്കണം.
- സമ്മേളനം ഇല്ലാത്ത സമയത്താണെങ്കിൽ: സഭ സമ്മേളനം അല്ലാത്ത സമയത്താണ് അറസ്റ്റ് നടക്കുന്നതെങ്കിൽ, മറ്റ് അംഗങ്ങളുടെയെല്ലാം അറിവിലേക്കായി ഈ വിവരം നിയമസഭ ബുള്ളറ്റിനിൽ പ്രസിദ്ധപ്പെടുത്തണം.
