തിരുവനന്തപുരം: പിണറായി സർക്കാരിന്റെ കാലത്ത് വാടക ഹെലികോപ്റ്റർ ഉപയോഗിച്ച ഇനത്തിൽ സംസ്ഥാന ഖജനാവിൽ നിന്ന് ചെലവഴിച്ചത് 48.76 കോടി രൂപ (48,76,42,718). ഡൽഹി ആസ്ഥാനമായ ചിപ്സൺ ഏവിയേഷൻ പ്രൈവറ്റ് ലിമിറ്റഡ് എന്ന കമ്പനിയുമായി പോലീസ് വകുപ്പ് ഒപ്പുവെച്ച പുതുക്കിയ കരാർ ഈ വരുന്ന സെപ്റ്റംബർ 18-ന് അവസാനിക്കും.
കോട്ടയം പെരുവ സ്വദേശി എം.ടി. തോമസിന് വിവരാവകാശ നിയമപ്രകാരം (RTI) ആഭ്യന്തര വകുപ്പിൽ നിന്ന് ലഭിച്ച മറുപടിയിലാണ് ഈ വിവരങ്ങൾ പുറത്തുവന്നത്. കരാറിൽ 2 വർഷത്തേക്ക് കൂടി സേവനം നീട്ടി നൽകാൻ വ്യവസ്ഥയുണ്ടെങ്കിലും, സേവനം തുടരുന്ന കാര്യത്തിൽ ഇതുവരെ അന്തിമ തീരുമാനം എടുത്തിട്ടില്ലെന്ന് ആഭ്യന്തരവകുപ്പ് വ്യക്തമാക്കി. എന്നാൽ, ഹെലികോപ്റ്റർ എന്തിനെല്ലാം ഉപയോഗിച്ചു എന്ന ചോദ്യത്തിന് ആഭ്യന്തര വകുപ്പ് വ്യക്തമായ വിവരങ്ങളൊന്നും നൽകിയിട്ടില്ല.
ഏറ്റവും ഉയർന്ന ചെലവ്: ഏറ്റവും കൂടുതൽ തുക ചെലവിട്ടത് 2019–20 സാമ്പത്തിക വർഷത്തിലാണ്. ഒരു വർഷം മാത്രം 18.20 കോടി രൂപയാണ് വാടകയായി നൽകിയത്.
കുടിശ്ശികയുള്ള ബില്ലുകൾ: ഈ വർഷമാദ്യം ഹെലികോപ്റ്റർ ഉപയോഗിച്ചതിന്റെ 2.4 കോടി രൂപ ഒഴിച്ചാൽ, ബാക്കി ബില്ലുകളൊന്നും മാറിക്കൊടുത്തിട്ടില്ല.
ഇനി നൽകാനുള്ള തുക: ഇനി 2.40 കോടി രൂപ കൂടി കമ്പനിക്ക് നൽകാൻ കുടിശ്ശികയുണ്ട്.
വർഷം തിരിച്ചുള്ള ചെലവ് വിവരങ്ങൾ
സാമ്പത്തിക വർഷംനൽകിയ തുക (രൂപയിൽ)
2019–20 ₹18,20,12,648
2021–22 ₹4,12,50,119
2022–23 ഇല്ല
2023–24 ₹3,20,00,000
2024–25 ₹12,83,79,451
2025–26 ₹8,00,00,000
ഇനി നൽകാനുള്ളത് ₹2,40,00,000
ആകെ ചെലവ് ₹48,76,42,718
