തിരുവനന്തപുരം: മലയോര ജീവിതത്തിന്റെ ജീവസ്സുറ്റ നേർക്കാഴ്ചകൾ സമ്മാനിക്കുന്ന ‘ലർക്ക്’ സിനിമ കാണാൻ മുഖ്യമന്ത്രി വി.ഡി സതീശൻ എത്തുന്നു. ഇന്ന് വൈകുന്നേരം 7 മണിക്ക് തിരുവനന്തപുരം കൈരളി തീയറ്ററിലാണ് മുഖ്യമന്ത്രി ചിത്രം കാണാനെത്തുന്നത്.
എം.എ നിഷാദ് സംവിധാനം ചെയ്ത ‘ലർക്ക്’ എന്ന ചിത്രത്തിൽ സൈജു കുറുപ്പ്, അജു വർഗീസ്, അനുമോൾ, പ്രകാശ് അലക്സ് തുടങ്ങിയ പ്രമുഖ താരനിരയാണ് അണിനിരക്കുന്നത്. മലയോര മേഖലയുടെ സ്പന്ദനങ്ങളും അവിടുത്തെ മനുഷ്യരുടെ അതിജീവന പോരാട്ടങ്ങളും പ്രമേയമാക്കിയാണ് ചിത്രം ഒരുക്കിയിരിക്കുന്നത്.
എന്നും മലയോര മേഖലയിലെ ജനങ്ങളുടെ പ്രശ്നങ്ങൾ മനസ്സിലാക്കുകയും അവരെ ചേർത്തുപിടിക്കുകയും ചെയ്യുന്ന ഭരണാധികാരിയാണ് മുഖ്യമന്ത്രി വി.ഡി സതീശൻ. അതുകൊണ്ടുതന്നെ മലയോര പശ്ചാത്തലത്തിൽ നിർമ്മിച്ച ചിത്രം കാണാൻ മുഖ്യമന്ത്രി എത്തുന്നതിനെ ഏറെ സന്തോഷത്തോടെയും പ്രതീക്ഷയോടെയുമാണ് സിനിമയുടെ അണിയറപ്രവർത്തകരും സിനിമാസ്നേഹികളും നോക്കിക്കാണുന്നത്.
