അങ്കമാലി: അങ്കമാലി എം.എൽ.എ റോജി എം. ജോൺ വിവാഹിതനാകുന്നു. ഒക്ടോബർ 29-ന് അങ്കമാലി സെന്റ്. ജോർജ്ജ് ബസിലിക്ക പള്ളിയിൽ വച്ചാണ് വിവാഹം. അങ്കമാലി, കാലടി സ്വദേശിയായ ലിപ്സി പൗലോസ് ആണ് വധു.
തികച്ചും ലളിതമായി, ഏറ്റവും അടുത്ത കുടുംബാംഗങ്ങൾ മാത്രം പങ്കെടുക്കുന്ന ഒരു ചടങ്ങായിരിക്കും വിവാഹമെന്ന് എം.എൽ.എ ഫേസ്ബുക്കിലൂടെ അറിയിച്ചു. വിവാഹ ആഘോഷങ്ങളുടെ ആർഭാടം ഒഴിവാക്കി, ആ തുക ഉപയോഗിച്ച് അങ്കമാലി മണ്ഡലത്തിലെ ഒരു നിർധന കുടുംബത്തിന് വീട് നിർമ്മിച്ചു നൽകാനാണ് എം.എൽ.എയും കുടുംബവും തീരുമാനിച്ചിരിക്കുന്നത്.
ഇവരെല്ലാവരെയും നേരിട്ട് ക്ഷണിക്കാൻ അതിയായ ആഗ്രഹമുണ്ടായിരുന്നെങ്കിലും, സാഹചര്യങ്ങൾ പരിഗണിച്ച് ആഘോഷങ്ങൾ ഒഴിവാക്കുകയായിരുന്നു. വിവാഹത്തിന് എല്ലാവരുടെയും പ്രാർത്ഥനയും അനുഗ്രഹവും വേണമെന്നും റോജി എം. ജോൺ ഫേസ്ബുക്ക് പോസ്റ്റിൽ അഭ്യർത്ഥിച്ചു.
