കോൺമെബോൾ സുഡാമേരിക്കാന (CONMEBOL Sudamericana) പ്രീ-ക്വാർട്ടർ രണ്ടാം പാദ പോരാട്ടത്തിൽ ഇക്വഡോറിയൻ ക്ലബ്ബ് സി.ഡി. മക്കാറയോട് (Club Deportivo Macará) 0–0 സമനില വഴങ്ങി സാന്റോസ് എഫ്.സി. ആദ്യ പാദത്തിൽ 2–1 ന് വിജയിച്ചതിന്റെ കരുത്തിൽ അഗ്രിഗേറ്റ് സ്കോർ 2–1 ന് സാന്റോസ് ടൂർണമെന്റിന്റെ ക്വാർട്ടർ ഫൈനലിലേക്ക് യോഗ്യത നേടി.
എവേ മത്സരത്തിൽ മികച്ച പ്രതിരോധ നിരയാണ് സാന്റോസ് പുറത്തെടുത്തത്. ഗോൾകീപ്പർ ഗാബ്രിയേൽ ബ്രസാവോയുടെയും പ്രതിരോധ താരം ലുവാൻ പെരസിന്റെയും ശ്രദ്ധേയമായ പ്രകടനമാണ് സമനില നിലനിർത്താൻ ടീമിനെ സഹായിച്ചത്.
നെയ്മർ എന്തുകൊണ്ട് കളിച്ചില്ല?
അടുപ്പിച്ച് മത്സരങ്ങൾ കളിച്ചതിനെ തുടർന്ന് നൽകിയ വിശ്രമത്തിന്റെ ഭാഗമായാണ് സൂപ്പർ താരം നെയ്മർ ഈ മത്സരത്തിൽ ഇറങ്ങാതിരുന്നത്. ഓഗസ്റ്റ് 17-ന് വാസ്കോ ഡ ഗാമയ്ക്കെതിരെയുള്ള ലീഗ് പോരാട്ടത്തിൽ 90 മിനിറ്റും നെയ്മർ കളിച്ചിരുന്നു. ഓഗസ്റ്റ് 23-ന് വരാനിരിക്കുന്ന മിറാസോൾ എഫ്.സിക്ക് എതിരായ സുപ്രധാന ലീഗ് മത്സരത്തിന് മുന്നോടിയായി താരത്തിന് മതിയായ വിശ്രമം നൽകാനാണ് കോച്ചിംഗ് സ്റ്റാഫ് തീരുമാനിച്ചത്.
