തിരുവനന്തപുരം: വരാനിരിക്കുന്ന തിരഞ്ഞെടുപ്പിൽ കേരള മുഖ്യമന്ത്രി പിണറായി വിജയന് പരസ്യ പിന്തുണ പ്രഖ്യാപിച്ച് തെന്നിന്ത്യൻ സൂപ്പർ താരം കമൽ ഹാസൻ. സോഷ്യൽ മീഡിയയിലൂടെ പങ്കുവെച്ച കുറിപ്പിലാണ് “സഖാവ് പിണറായി വിജയന് വിജയങ്ങൾ നേരുന്നു” എന്ന് താരം വ്യക്തമാക്കിയത്. രാഷ്ട്രീയത്തിനപ്പുറം കേരളവുമായുള്ള തൻ്റെ ആത്മബന്ധം എടുത്തുപറഞ്ഞുകൊണ്ടാണ് കമൽ ഹാസൻ്റെ കുറിപ്പ്.
കേരളം എൻ്റേതുമാണ്!
താൻ ഒരു തമിഴ്നാട്ടുകാരനായതുകൊണ്ട് ചിലർ തന്നെ ‘പുറത്തുകാരൻ’ എന്ന് വിളിച്ചേക്കാമെങ്കിലും കേരളം തനിക്ക് വൈകാരികമായി ഏറെ പ്രിയപ്പെട്ടതാണെന്ന് അദ്ദേഹം കുറിച്ചു.
”കേരളം എൻ്റെയും കൂടിയാണ് (എൻ്റെ കേരളം). ചിലർ അവരുടെ സടുചിത മനോഭാവം കൊണ്ട് എന്നെ ഒരു പുറത്തുകാരനായി കണ്ടേക്കാം. എന്നാൽ വൈകാരികമായി ഞാൻ കേരളത്തോട് ചേർന്നുനിൽക്കുന്നു,” കമൽ ഹാസൻ പറഞ്ഞു.
കഴിഞ്ഞ ഒരു പതിറ്റാണ്ട് ചിന്തിക്കൂ
കേരളത്തിലെ വോട്ടർമാരോടും ഗുണഭോക്താക്കളോടും (അതിൽ താനും ഉൾപ്പെടുമെന്ന് അദ്ദേഹം ഓർമ്മിപ്പിക്കുന്നു) കഴിഞ്ഞ പത്ത് വർഷത്തെ ഭരണത്തെക്കുറിച്ച് ചിന്തിക്കാൻ അദ്ദേഹം ആഹ്വാനം ചെയ്തു. ശരിയായ തീരുമാനം എടുക്കേണ്ട സമയമാണിതെന്നും അദ്ദേഹം കൂട്ടിച്ചേർത്തു.
മലയാളത്തിൽ ആശംസകൾ
തൻ്റെ കുറിപ്പിൻ്റെ അവസാനം മലയാളത്തിലാണ് അദ്ദേഹം ആശംസകൾ നേർന്നത്.
“സഖാവ് വിജയൻ വിജയിക്കട്ടെ. കേരളവും വിജയിക്കും. ഇത് എൻ്റെ അഭിപ്രായം,” എന്ന വാക്കുകളോടെയാണ് അദ്ദേഹം കുറിപ്പ് അവസാനിപ്പിച്ചത്.
കേരളത്തിലെ രാഷ്ട്രീയ സാഹചര്യങ്ങളിൽ പലപ്പോഴും കൃത്യമായ നിലപാടുകൾ എടുക്കാറുള്ള കമൽ ഹാസൻ്റെ ഈ പോസ്റ്റ് ഇതിനോടകം തന്നെ സോഷ്യൽ മീഡിയയിൽ വൈറലായിക്കഴിഞ്ഞു. മുഖ്യമന്ത്രിയുമായി വ്യക്തിപരമായ സൗഹൃദം കാത്തുസൂക്ഷിക്കുന്ന താരം കൂടിയാണ് അദ്ദേഹം.
