തിരുവനന്തപുരം : പി.എസ്. സി അംഗത്തിൻ്റെ ഒഴിവിലേക്ക് മേയർ ആര്യാ രാജേന്ദ്രൻ്റെ പേര് ( Arya Rajendran) സജീവ പരിഗണനയിൽ. നിലവിൽ പി.എസ്.സി അംഗത്തിൻ്റെ ഒരു ഒഴിവാണ് ഉള്ളത്. നിയമനം ലഭിച്ചാൽ ഏറ്റവും കുറഞ്ഞ പ്രായത്തിൽ പി.എസ്.സി അംഗമാകുന്ന വ്യക്തി എന്ന റെക്കോർഡ് ആര്യ സ്വന്തമാക്കും.
ഭരണ വിരുദ്ധ വികാരം മറികടക്കാൻ മേയർ ആര്യാ രാജേന്ദ്രന് ഇത്തവണ സീറ്റ് നിഷേധിച്ചിരുന്നു. ഇതിന് പിന്നാലെയാണ് പി.എസ്.സി അംഗത്വത്തിലേക്ക് മേയറുടെ പേര് പരിഗണനയിൽ വന്നത്.
ആര്യാ രാജേന്ദ്രനോടൊപ്പം, സെക്രട്ടറിയേറ്റിൽ നിന്ന് അടുത്തിടെ വിരമിച്ച സി.പി.എം (CPM) സർവീസ് സംഘടന നേതാവിൻ്റെ പേരും പരിഗണനാ ലിസ്റ്റിലുണ്ട്.
💰 ആകർഷകമായ ശമ്പളവും പെൻഷനും
പി.എസ്.സി അംഗത്തിൻ്റെ പ്രതിമാസ ശമ്പളം 4.06 ലക്ഷം രൂപയാണ്. കേന്ദ്ര നിരക്കിൽ ക്ഷാമബത്ത (Dearness Allowance – DA) ലഭിക്കുന്നതുകൊണ്ട് വർഷത്തിൽ രണ്ട് തവണ ശമ്പള വർദ്ധനവും ഉണ്ടാകും.
വിരമിക്കുന്നതിൻ്റെ അടുത്ത ദിവസം മുതൽ തന്നെ അംഗങ്ങൾക്ക് പെൻഷൻ ലഭിച്ചു തുടങ്ങും. ഏകദേശം 2 ലക്ഷം രൂപയോളം പെൻഷനും ലഭിക്കുന്ന തസ്തികയാണിത്.
