തിരുവനന്തപുരം: നേപ്പാളിലുണ്ടായ മിന്നൽ പ്രളയത്തിന്റെ പശ്ചാത്തലത്തിൽ അവിടെ കുടുങ്ങിക്കിടക്കുന്ന മലയാളി പ്രവാസികൾക്കും അവരുടെ ബന്ധുക്കൾക്കും അടിയന്തിര സഹായവും വിവരങ്ങളും ലഭ്യമാക്കുന്നതിനായി നോർക്ക ഹെൽപ്പ് ഡെസ്ക് പ്രവർത്തനം ആരംഭിച്ചു. മുഖ്യമന്ത്രി വി. ഡി സതീശൻ്റെ നിർദേശപ്രകാരമാണ് അടിയന്തിര നടപടി കൈക്കൊണ്ടതെന്ന് നോർക്ക റൂട്ട്സ് ചീഫ് എക്സിക്യുട്ടീവ് ഓഫീസർ രാജേഷ് മാധവൻ അറിയിച്ചു.
പ്രളയബാധിത പ്രദേശങ്ങളിൽ ഉള്ളവർക്കും അവരുടെ വിവരങ്ങൾ തിരക്കുന്നവർക്കും നോർക്ക ഗ്ലോബൽ കോൺടാക്ട് സെന്ററിന്റെ സൗജന്യ സേവനം വീട്ടുപടിക്കൽ ലഭ്യമാണ്.
ബന്ധപ്പെടേണ്ട നമ്പറുകൾ:
ടോൾ ഫ്രീ നമ്പർ (ഇന്ത്യയിൽ നിന്ന്): 1800 425 3939
വിദേശത്ത് നിന്നുള്ള മിസ്ഡ് കോൾ നമ്പർ: +91-8802012345
രക്ഷാപ്രവർത്തനങ്ങളുടെയും വിവരശേഖരണത്തിന്റെയും വേഗത്തിലുള്ള ഏകോപനത്തിനായി ന്യൂഡൽഹിയിലെ എൻ.ആർ.കെ (NRK) ഡെവലപ്മെന്റ് ഓഫീസറെ പ്രത്യേക ചുമതലപ്പെടുത്തിയിട്ടുണ്ട്.
ഇന്ത്യൻ എംബസിയും ഹെൽപ്പ് ലൈൻ തുറന്നു
പ്രളയത്തിൽ അപകടത്തിൽപ്പെട്ട ഇന്ത്യൻ പൗരന്മാരെ സുരക്ഷിതരായി പുറത്തെത്തിക്കുന്നതിനും രക്ഷാപ്രവർത്തനം ഏകോപിപ്പിക്കുന്നതിനുമായി കാഠ്മണ്ഡുവിലെ ഇന്ത്യൻ എംബസി നേപ്പാൾ സർക്കാരുമായി നിരന്തരം ബന്ധപ്പെട്ടുവരികയാണ്. ദുരിതബാധിതരായ ഇന്ത്യക്കാർക്ക് സഹായം ഉറപ്പാക്കാൻ പ്രത്യേക ഹെൽപ്പ് ലൈൻ നമ്പറുകളും എംബസി പുറത്തുവിട്ടിട്ടുണ്ട്.
ഇന്ത്യൻ എംബസി ഹെൽപ്പ് ലൈൻ നമ്പറുകൾ: +977 985 131 6807, +977 970 910 7500
