ന്യൂഡൽഹി: ഐസിഎസ്ഇ (ICSE) പത്താം ക്ലാസ് പരീക്ഷാ ഫലം 2026 ഏപ്രിൽ അവസാന വാരത്തോടെ പുറത്തുവരും. കൗൺസിൽ ഫോർ ദ ഇന്ത്യൻ സ്കൂൾ സർട്ടിഫിക്കറ്റ് എക്സാമിനേഷൻസ് (CISCE) ഔദ്യോഗിക ഫലപ്രഖ്യാപന തീയതി ഉടൻ അറിയിക്കും. ഫെബ്രുവരി 17 മുതൽ മാർച്ച് 30 വരെയായിരുന്നു ഈ വർഷത്തെ പരീക്ഷകൾ നടന്നത്.
വിദ്യാർത്ഥികൾക്ക് അവരുടെ ഫലം ഔദ്യോഗിക വെബ്സൈറ്റായ results.cisce.org അല്ലെങ്കിൽ cisce.org വഴി പരിശോധിക്കാം. ഫലം ഡൗൺലോഡ് ചെയ്യുന്നതിനായി യുണീക്ക് ഐഡി (UID), ഇൻഡക്സ് നമ്പർ (Index Number) എന്നിവ കൈവശം കരുതേണ്ടതാണ്.
ഫലം എങ്ങനെ പരിശോധിക്കാം?
- ഔദ്യോഗിക വെബ്സൈറ്റായ results.cisce.org സന്ദർശിക്കുക.
- ’Course’ ഓപ്ഷനിൽ നിന്ന് ‘ICSE 2026’ തിരഞ്ഞെടുക്കുക.
- നിങ്ങളുടെ UID, ഇൻഡക്സ് നമ്പർ, സ്ക്രീനിൽ കാണുന്ന ക്യാപ്ച കോഡ് എന്നിവ നൽകുക.
- ’Show Result’ ബട്ടണിൽ ക്ലിക്ക് ചെയ്യുക.
- ഫലം സ്ക്രീനിൽ തെളിയും. ഇത് ഡൗൺലോഡ് ചെയ്ത് പ്രിന്റ് ഔട്ട് എടുത്ത് സൂക്ഷിക്കാവുന്നതാണ്.
മറ്റു മാർഗങ്ങൾ
വെബ്സൈറ്റിന് പുറമെ എസ്എംഎസ് (SMS) വഴിയും ഫലം അറിയാം. ഇതിനായി ICSE <Unique ID> എന്ന് ടൈപ്പ് ചെയ്ത് 09248082883 എന്ന നമ്പറിലേക്ക് അയച്ചാൽ മതിയാകും. ഡിജിലോക്കർ (DigiLocker) വഴിയും വിദ്യാർത്ഥികൾക്ക് ഡിജിറ്റൽ മാർക്ക് ഷീറ്റുകൾ ലഭ്യമാകും.
കഴിഞ്ഞ വർഷം ഏപ്രിൽ 30-നായിരുന്നു ഫലം പ്രഖ്യാപിച്ചത്. ഈ വർഷവും ഏപ്രിൽ അവസാനത്തോടെ തന്നെ ഫലം ഉണ്ടാകുമെന്നാണ് സൂചന.
