കൊച്ചി: തൃക്കാക്കര എം.എൽ.എ ഉമ തോമസിൻ്റെ കുടുംബത്തിൽ ഇനി വിവാഹ മംഗളാരവം. ഉമ തോമസിൻ്റെയും അന്തരിച്ച ജനപ്രിയ നേതാവ് പി.ടി. തോമസിൻ്റെയും മകൻ വിവേക് തോമസ് വിവാഹിതനാകുന്നു. തൃശൂർ കണിമംഗലം അനോക്കാരൻ വീട്ടിൽ ജോയ് ജോണിൻ്റെയും സലോമിയുടെയും മകളായ ആഗ്നയാണ് വധു.
Contents
ഫേസ്ബുക്കിലൂടെ ഉമ തോമസ് തന്നെയാണ് മകൻ്റെ ജീവിതത്തിലെ ഈ പുതിയ ഘട്ടത്തെക്കുറിച്ച് അറിയിച്ചത്. തൃശൂർ ഗവൺമെൻ്റ് ലോ കോളേജിൽ വിവേകിനേക്കാൾ ഒരു വർഷം ജൂനിയറായിരുന്നു ആഗ്ന. ക്യാമ്പസിൽ തുടങ്ങിയ സൗഹൃദം വിവാഹത്തിലേക്കും ജീവിതത്തിലേക്കും കടക്കുകയാണെന്ന് എം.എൽ.എ കുറിച്ചു.
“പഠനവും, പ്രൊഫഷനും, ജീവിതവും ഒരുമിച്ചാകാമെന്ന രണ്ടു പേരുടേയും ഇഷ്ടത്തോട് എല്ലാവരും സന്തോഷത്തോടെ ചേരുന്നു. വിവേകിൻ്റെ ജൂനിയറായിരുന്നു ആഗ്ന. എല്ലാവരുടേയും അനുഗ്രഹം പ്രിയ മക്കൾക്ക് വേണം.” – ഉമ തോമസ്.
നിശ്ചയം നാളെ
വിവാഹത്തിന് മുന്നോടിയായുള്ള നിശ്ചയ ചടങ്ങുകൾ നാളെ (ശനിയാഴ്ച) തൃശൂർ ലൂർദ്ദ് സെൻ്റിനറി ഹാളിൽ വെച്ച് നടക്കും.
