മുംബൈ: മഹാരാഷ്ട്ര രാഷ്ട്രീയത്തെ നടുക്കി ഉപമുഖ്യമന്ത്രി അജിത് പവാർ വിമാനാപകടത്തിൽ കൊല്ലപ്പെട്ടു. പുണെയിലെ ബാരാമതിയിൽ വിമാനം ലാൻഡിംഗിനിടെ തകർന്നു വീണാണ് അപകടമുണ്ടായത്. വിമാനത്തിൽ അജിത് പവാറിനെ കൂടാതെ മറ്റ് അഞ്ച് പേർ കൂടി ഉണ്ടായിരുന്നു. ഇവരെല്ലാവരും അപകടത്തിൽ മരിച്ചതായാണ് പ്രാഥമിക റിപ്പോർട്ടുകൾ സൂചിപ്പിക്കുന്നത്.
ബുധനാഴ്ച രാവിലെയാണ് നാടിനെ നടുക്കിയ ദുരന്തമുണ്ടായത്. ലാൻഡിംഗിനിടെ സാങ്കേതിക തകരാർ സംഭവിച്ചതാണോ അതോ മോശം കാലാവസ്ഥയാണോ അപകടകാരണമെന്ന് വ്യക്തമല്ല. അപകടത്തെത്തുടർന്ന് വിമാനത്തിന് തീപിടിക്കുകയും പൂർണ്ണമായും തകരുകയും ചെയ്തു.
സംഭവസ്ഥലത്ത് രക്ഷാപ്രവർത്തനം പുരോഗമിക്കുകയാണ്. മുതിർന്ന ഉദ്യോഗസ്ഥരും പോലീസ് സംഘവും സ്ഥലത്തെത്തിയിട്ടുണ്ട്. എൻസിപി (അജിത് പവാർ വിഭാഗം) നേതാവായ അജിത് പവാറിന്റെ അപ്രതീക്ഷിത വിയോഗത്തിൽ മഹാരാഷ്ട്രയും രാജ്യവും ഞെട്ടലിലാണ്.
