തിരുവനന്തപുരം: സംസ്ഥാനത്തെ പ്ലസ് വൺ (Higher Secondary First Year) പരീക്ഷാഫലം ഇന്ന് (ജൂലൈ 17) പ്രഖ്യാപിക്കും. ഉച്ചയ്ക്ക് ശേഷം മൂന്ന് മണിയോടെ ഔദ്യോഗിക വെബ്സൈറ്റുകളിൽ ഫലം ലഭ്യമാകുമെന്ന് പൊതുവിദ്യാഭ്യാസ വകുപ്പ് അറിയിച്ചു. ഗൾഫ് മേഖലയിലെ പരീക്ഷാ കേന്ദ്രങ്ങളിലെ ഫലപ്രഖ്യാപനവും ഇന്നതിനൊപ്പം തന്നെയുണ്ടാകും.
ഗൾഫ് നാടുകളിൽ പരീക്ഷകൾ പുനഃക്രമീകരിക്കേണ്ടി വന്നതിനാലാണ് ഇത്തവണ ഫലപ്രഖ്യാപനം ജൂലൈ പകുതിയിലേക്ക് നീണ്ടത്. ജനറൽ വിഭാഗത്തിന് പുറമെ വൊക്കേഷണൽ ഹയർ സെക്കൻഡറി (VHSE), NSQF പരീക്ഷാ ഫലങ്ങളും ഇതോടൊപ്പം പ്രസിദ്ധീകരിക്കും. നാല് ലക്ഷത്തിലധികം വിദ്യാർത്ഥികളാണ് ഇത്തവണ പരീക്ഷയെഴുതി കാത്തിരിക്കുന്നത്.
ഫലം പരിശോധിക്കേണ്ടത് എങ്ങനെ? (How to Check Kerala Plus One Result)
വിദ്യാർത്ഥികൾക്ക് അവരുടെ രജിസ്ട്രേഷൻ നമ്പറും (Registration Number), ജനനത്തീയതിയും (Date of Birth) നൽകി വ്യക്തിഗത ഫലം പരിശോധിക്കാം.
- ഔദ്യോഗിക വെബ്സൈറ്റ് സന്ദർശിക്കുക
ഉച്ചയ്ക്ക് 3:00 മണിക്ക് ശേഷം
താഴെ നൽകിയിരിക്കുന്ന ഏതെങ്കിലും ഒരു ഔദ്യോഗിക റിസൾട്ട് പോർട്ടൽ തുറക്കുക.
2 ലിങ്ക് ക്ലിക്ക് ചെയ്യുക
Result Window
ഹോം പേജിൽ കാണുന്ന “DHSE First Year Result 2026” അല്ലെങ്കിൽ “VHSE First Year Result 2026” എന്ന ലിങ്കിൽ ക്ലിക്ക് ചെയ്യുക.
3.വിവരങ്ങൾ രേഖപ്പെടുത്തുക
Credentials
നിങ്ങളുടെ ഹാൾ ടിക്കറ്റിലുള്ള Registration Number, Date of Birth എന്നിവ കൃത്യമായി ടൈപ്പ് ചെയ്യുക.
4 ഫലം ഡൗൺലോഡ് ചെയ്യുക
Submit
‘Submit’ ബട്ടൺ അമർത്തുന്നതോടെ മാർക്ക് ലിസ്റ്റ് സ്ക്രീനിൽ തെളിയും. ഭാവി ആവശ്യങ്ങൾക്കായി ഇതിന്റെ പ്രിന്റൗട്ട് എടുത്തു സൂക്ഷിക്കുക.
ഫലം ലഭ്യമാകുന്ന ഔദ്യോഗിക വെബ്സൈറ്റുകൾ:
results.hse.kerala.gov.in
keralaresults.nic.in
dhsekerala.gov.in
results.kite.kerala.gov.in
ഇതിനുപുറമേ, കൈറ്റിന്റെ ‘സഫലം 2026’ (Saphalam Mobile App) ആപ്പ് വഴിയും, പി.ആർ.ഡി ലൈവ് (PRD Live) ആപ്പ് വഴിയും വിദ്യാർത്ഥികൾക്ക് ഫലം വേഗത്തിൽ അറിയാനാകും. സ്കൂൾ കോഡ് ഉപയോഗിച്ച് സ്കൂൾ വൈസ് റിസൾട്ടുകളും പോർട്ടലുകളിൽ ലഭ്യമാകും.
