തിരുവനന്തപുരം: രാജ്യം പത്മഭൂഷൺ നൽകി ആദരിച്ച എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശന് അഭിനന്ദന പ്രവാഹം. നടനും കൊല്ലം എം.എൽ.എയുമായ മുകേഷ് സോഷ്യൽ മീഡിയയിൽ പങ്കുവെച്ച ആശംസയാണ് ഇപ്പോൾ ശ്രദ്ധേയമാകുന്നത്.
വെള്ളാപ്പള്ളി നടേശന്റെ കരുത്തുറ്റ വ്യക്തിത്വത്തെയും അദ്ദേഹത്തിന്റെ പേരിന്റെ സവിശേഷതയെയും മുൻനിർത്തിയാണ് മുകേഷ് കുറിപ്പ് പങ്കുവെച്ചിരിക്കുന്നത്.
മുകേഷിന്റെ ഫേസ്ബുക്ക് കുറിപ്പ്:
”വെള്ളാപ്പള്ളി… ഈ പേരിൽ ഇന്ത്യയിൽ ഒരേയൊരാൾ.. പത്മ ഭൂഷൺ ആശംസകൾ ചേട്ടാ” – മുകേഷ് തന്റെ ഫേസ്ബുക്ക് പേജിൽ കുറിച്ചു.
വെള്ളാപ്പള്ളി നടേശനുമായി അടുത്ത സൗഹൃദം പുലർത്തുന്ന വ്യക്തിയാണ് മുകേഷ്. ഇരുവരും ഒന്നിച്ചുള്ള ചിത്രങ്ങളും ഇതിനോടകം വൈറലായിക്കഴിഞ്ഞു. സാമൂഹിക സേവന രംഗത്തെ സമഗ്ര സംഭാവനകൾ പരിഗണിച്ചാണ് കേന്ദ്ര സർക്കാർ വെള്ളാപ്പള്ളി നടേശന് പത്മഭൂഷൺ പുരസ്കാരം പ്രഖ്യാപിച്ചത്.
