കോഴിക്കോട്: വ്രതശുദ്ധിയുടെ നാളുകൾക്ക് സമാപനം കുറിച്ച് സംസ്ഥാനത്ത് നാളെ ചെറിയ പെരുന്നാൾ (ഈദുൽ ഫിത്തർ) ആഘോഷിക്കും. ശവ്വാൽ മാസപ്പിറ ദൃശ്യമായതോടെ റമദാൻ 29 പൂർത്തിയാക്കിയാണ് ഇത്തവണ വിശ്വാസികൾ പെരുന്നാളിലേക്ക് കടക്കുന്നത്.
മലപ്പുറം ജില്ലയിലെ പരപ്പനങ്ങാടി ചെട്ടിപ്പടിയിലാണ് മാസപ്പിറ ദൃശ്യമായത്. ഇതോടെ പ്രമുഖ ഖാസിമാരെല്ലാം നാളെ പെരുന്നാൾ ഉറപ്പിക്കുകയായിരുന്നു.
ഖാസിമാരുടെ അറിയിപ്പ്
സംസ്ഥാനത്തെ വിവിധ ഖാസിമാരായ:
- പാണക്കാട് സയ്യിദ് സാദിഖലി ശിഹാബ് തങ്ങൾ
- സയ്യിദ് മുഹമ്മദ് ജിഫ്രി മുത്തുക്കോയ തങ്ങൾ
- കാന്തപുരം എ.പി. അബൂബക്കർ മുസ്ലിയാർ
- സയ്യിദ് ഇബ്രാഹിം ഖലീലുൽ ബുഖാരി
- സയ്യിദ് മുഹമ്മദ് കോയ തങ്ങൾ ജമലുല്ലൈലി
- സയ്യിദ് അബ്ദുൾ നാസർഹയ് ശിഹാബ് തങ്ങൾ തുടങ്ങിയവർ നാളെ ചെറിയ പെരുന്നാൾ ആയിരിക്കുമെന്ന് ഔദ്യോഗികമായി സ്ഥിരീകരിച്ചു.
