തിരുവനന്തപുരം: സർക്കാർ ജീവനക്കാരുടെയും പെൻഷൻകാരുടേയും അവശേഷിക്കുന്ന ഡി.എ / ഡി.ആർ ഗഡുക്കൾ പൂർണ്ണമായി നൽകുമെന്ന് കെ എൻ ബാലഗോപാലിൻ്റെ ബജറ്റ് പ്രഖ്യാപനം.
ലഭിക്കാനുള്ള ഡി.എ കുടിശിക ഇങ്ങനെ
2023 ജൂലായ് – 3%
2024 ജനുവരി – 3%
2024 ജൂലായ് – 3%
2025 ജനുവരി – 2%
2025 ജൂലായ് – 2%
ആകെ – 13%
അടുത്ത മാസത്തോടെ കേന്ദ്ര സർക്കാർ 2026 ജനുവരി പ്രാബല്യത്തിൽ ഉള്ള ഒരു ഗഡു കൂടി പ്രഖ്യാപിക്കുന്നതോടെ ഈ സർക്കാരിൻ്റെ കാലത്തെ ആകെ കുടിശിക 15 ശതമാനമായി ഉയരും .
ബാലഗോപാൽ ബജറ്റ് പ്രഖ്യാപനം പാലിച്ചാൽ 15 ശതമാനം ഡി.എ/ ഡി.ആർ സർക്കാർ ജീവനക്കാർക്കും പെൻഷൻകാർക്കു ലഭിക്കും.
ഒരു ഗഡു ഫെബ്രുവരി മാസത്തെ ശമ്പളത്തോടൊപ്പം ലഭിക്കും എന്നാണ് ബാലഗോപാൽ പ്രഖ്യാപനം.
അതായത് 3 ശതമാനം ഡി.എ ഫെബ്രുവരിയിലെ ശമ്പളത്തിൽ ലഭിക്കും.
നിലവിൽ അവശേഷിക്കുന്ന ഗഡുക്കൾ പൂർണ്ണമായും മാർച്ച് മാസത്തെ ശമ്പളത്തോടൊപ്പം ലഭിക്കുമെന്നാണ് ബാലഗോപാലിൻ്റെ അടുത്ത വാഗ്ദാനം.
15 ശതമാനം ഡി.എ കുടിശികയിൽ 3 ശതമാനം ഫെബ്രുവരി മാസത്തെ ശമ്പളത്തിൽ തന്നാൽ അവശേഷിക്കുന്നത് 12 ശതമാനം.
ബാലഗോപാൽ വാഗ്ദാനം പാലിച്ചാൽ മാർച്ചിലെ ശമ്പളത്തിൽ 12 ശതമാനം ഡി എ കൂടി ലഭിക്കും.
പറയുന്നതും പ്രഖ്യാപിക്കുന്നതും ബാലഗോപാൽ ആണ്. അതുകൊണ്ട് തന്നെ ഉത്തരവ് ഇറങ്ങുമ്പോൾ അറിയാം എത്ര ശതമാനം ഡി.എ ആണ് ലഭിക്കുന്നത് എന്ന്.
