തിരുവനന്തപുരം: മട്ടന്നൂർ മുനിസിപ്പാലിറ്റിയെ ഒഴിവാക്കിക്കൊണ്ട് സംസ്ഥാനത്തെ മറ്റ് തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് സംസ്ഥാന തെരഞ്ഞെടുപ്പ് കമ്മീഷൻ പ്രഖ്യാപിച്ചു. ഡിസംബർ 9, 11 തീയതികളിൽ രണ്ട് ഘട്ടമായാണ് കേരളത്തിൽ തദ്ദേശ തെരഞ്ഞെടുപ്പ്. തിരുവനന്തപുരം മുതൽ എറണാകുളം വരെ ഡിസംബർ 9 നാണ് തെരഞ്ഞെടുപ്പ്. തൃശൂർ മുതൽ കാസർകോഡ് വരെ ഡിസംബർ 11 നും.
2022-ലാണ് മട്ടന്നൂർ മുനിസിപ്പാലിറ്റിയിലേക്ക് അവസാനമായി തെരഞ്ഞെടുപ്പ് നടന്നത്. അഞ്ച് വർഷമാണ് ഭരണസമിതിയുടെ സാധാരണ കാലാവധി. ഇതനുസരിച്ച് നിലവിലെ ഭരണസമിതിയുടെ 2027 സെപ്റ്റംബർ 10 നാണ് അവസാനിക്കുക.
മട്ടന്നൂർ മുനിസിപ്പാലിറ്റിയുടെ ചരിത്രം പരിശോധിക്കുമ്പോൾ, 1997-ലാണ് ഇവിടെ ആദ്യമായി തെരഞ്ഞെടുപ്പ് നടന്നത്. 2002, 2007, 2012, 2017, 2022 എന്നീ വർഷങ്ങളിലാണ് തുടർന്ന് തെരഞ്ഞെടുപ്പുകൾ നടന്നത്. കാലാവധി 5 വർഷം ആയതിനാൽ 2027-ൽ ആകും മട്ടന്നൂരിൽ തെരഞ്ഞടുപ്പ്.
