തിരുവനന്തപുരം: ഈ മാസത്തെ സാമൂഹ്യ സുരക്ഷാ ക്ഷേമ പെൻഷനുകളുടെ വിതരണം ജൂൺ 24 മുതൽ ആരംഭിക്കുമെന്ന് മുഖ്യമന്ത്രി വി.ഡി. സതീശൻ അറിയിച്ചു. ക്ഷേമ പെൻഷനുകൾക്കൊപ്പം വിവിധ ക്ഷേമനിധി ബോർഡ് പെൻഷനുകളുടെ വിതരണവും 24-ാം തീയതി മുതൽ തന്നെ ആരംഭിക്കുന്നതായിരിക്കും.
എല്ലാ മാസവും കൃത്യസമയത്ത് തന്നെ ഗുണഭോക്താക്കൾക്ക് ക്ഷേമ പെൻഷൻ ലഭ്യമാക്കുക എന്നതാണ് സർക്കാരിൻ്റെ പ്രഖ്യാപിത നിലപാടെന്ന് മുഖ്യമന്ത്രി വ്യക്തമാക്കി.
സംസ്ഥാനത്തെ ലക്ഷക്കണക്കിന് വരുന്ന സാധാരണക്കാർക്ക് ആശ്വാസമേകുന്ന മറ്റൊരു സുപ്രധാന പ്രഖ്യാപനവും മുഖ്യമന്ത്രി നടത്തി. നിലവിലുള്ള ക്ഷേമ പെൻഷൻ തുക ഘട്ടം ഘട്ടമായി 3,000 രൂപയായി ഉയർത്തുമെന്നും വി.ഡി. സതീശൻ ഉറപ്പുനൽകി. സർക്കാരിന്റെ ഈ തീരുമാനം പെൻഷൻ ഗുണഭോക്താക്കൾക്ക് വലിയ പിന്തുണയാകും.
