തിരുവനന്തപുരം: സാധാരണയായി 10 ദിവസമാണ് ക്രിസ്മസ് അവധി ലഭിക്കാറ്. എന്നാൽ ഇത്തവണ അത് 12 ദിവസമാണ് എന്നതാണ് പ്രധാന പ്രത്യേകത. തദ്ദേശ തെരഞ്ഞെടുപ്പിന്റെ പശ്ചാത്തലത്തിൽ ക്രിസ്മസ് പരീക്ഷയുടെ തീയതിയിൽ മാറ്റം വരുത്തിയതിനാലാണ് അവധി ദിവസങ്ങളുടെ എണ്ണം വർധിച്ചത്.
ഡിസംബർ 24 മുതൽ ജനുവരി 05 വരെയായിരിക്കും ഇത്തവണത്തെ ക്രിസ്മസ് അവധി. ഇത് സംബന്ധിച്ച ഉത്തരവ് വിദ്യാഭ്യാസ വകുപ്പ് പുറത്തിറക്കി. ഡിസംബർ 15-ന് ആരംഭിച്ച ക്രിസ്മസ് പരീക്ഷകൾ 23-ന് അവസാനിക്കും. തുടർന്നാണ് 12 ദിവസം നീണ്ടുനിൽക്കുന്ന അവധിക്ക് തുടക്കമാകുന്നത്.
